BAKIT KAILANGANG TUTULAN ANG PAGPUTOL NG MGA PUNO SA LUNETA HILL?

Nina: Joana Mae O. Valdez, Michelle Ugali, Teomari Carbero, Mark Aaron Carbero

Kung ang mga pahayag ng SM City Baguio, ang ating pagbabasehan, tila nga tuloy na tuloy ang kanilang planong expansion upang lalong pang lubos na palakihin ang mala-higanteng mall sa tuktok ng Luneta Hill. Parang ang gustong palabasin ay wala na talagang magagawa ang lokal na gobyerno o ang mga taong bayan upang pigilan ang kanilang planong putulin, o i- “Earthball” ang humigit-kumulang 182 na puno dito.

Kung sabagay, meron na nga naman silang permit galling sa DENR para sa pagputol ng mga puno at sa local na pamahaalan para sa pagpapatayo ng gusali. Meron din silang Environmental Compliance Certificate o ECC, na galling din sa DENR. Ang ECC ay nagpapatibay na ng plano ng SM Cuity Baguio ay hindi nakakasama sa kalikasan. Kung paano nila nakuha iyon, sa kabila nang malamang na pagkamatay ng 182 na puno hindi natin alam.

Bakit ng aba dapat tutulan ang balak ng SM? Una, ang bawat isang puno ay kayang magimpok ng libo-libong litrato ng tubig. 182 pa kaya? Kapag natuloy nag plano ng SMC Baguio na tanggalin o ptulin ang mga puno sa Luneta Hill, saan pa ba aagos and ulan kundi sa mga mas mababang lugar tulad ng Session Road, Government Park Road at Harrison Road na maaring maging sanhi ng pagbaha dito.

Pangalawa, Kung walang mga punong maglilikom ng tubig ulan, maaring lumabot ng labis and lupa at nagdudulot ng mga nakamamatay at nakapipinsalang landslide. Parang wala parin tayong natutunan sa Ondoy, Popong, o sa bagyong Sendong na naghahatid ng matinding kalamidad sa Mindanao.

Ang pangatlong dahilan ay may kinalaman sa kalusugan. Nililinis din ng mga puno ang hangin sa pamamagitan ng paglilikom ng mga nakapipinsalang Carbon sa himpapawid. Kapag mas kaunti, ang puno sa isang urbanisadong lugar na tulad ng kinanalalagyan ng SM City Baguio, mas madumi ang hangin at hindi naman kaila sa atin na sa mga puno rin nanggagaling ang oxygen na ating hinihinga. Kapag kaunti na ang mga puno, mas kaunti din ang malalanghap nating sariwang hangin.

Ilan lang ito sa mga dahilan, kung bakit dapat tutulan ang plano ang SM City Baguio na putulin ang puno sa Luneta Hill. Dahil kapag hinayaan natin ang SM City Baguio na ipagpatuloy ang kanilang maitim na balak upang itaguyod ang kanilang ksakiman sa pera, paano pa natin mapipigilan ang iba pang nagbabalak din gahasahin an gating kalikasan?

Hahayaan ba natin tuluyang mabura ang imahe at alala ng Baguio bilang “City of Pines?”